話說，呢隻殿堂級老貓豹叔，上年年底已被醫生確診肝癌末期過唔到年；但係呢，而家已經七月，豹叔依然食得瞓得痾得仲鬼咁好中氣日日在家上演貓鬧人National Geographic。
最近傭工姐姐回鄉，前幾日開始，知名性感女編劇剷屎官發現，屎缸中並沒有發現便便。到了第三天，不對路，打給獸醫契Yeah，他建議買乳果糖餵豹叔通便，如還沒有便便，便（便便便便）要去診所通便；剷屎官很擔心，可能癌已擴散到腸引起塞腸也不定。
於是剷屎官買了一支兩舊幾水的乳果糖，好X大支喔，每次只餵3ml，可以餵到豹叔仙遊啦。（啋啋啋）
剷屎官拿著勁大支通便武器乳果糖回家，已發現豹叔今天有三粒便便，但因之前三天沒便，痾三粒驚佢塞腸，趕緊和豹叔在家上演撕裂3.0，終成功餵牠吃了3ml乳果糖。並承受牠的宇宙級黑面。
第二天，牠拉了一大堆。
嘩好有效呀！
然後阿女姐婆來幫忙湊女，我忍不住告訴她豹叔通便攻略。
「哎也！豹叔日日都有痾，係我『畢』走左，唔記得話你知添！』」
我：「XYZ＃＄＃＄^＠＠＠＊﹠﹠^＄＠」
然後，我們望望無啦啦畀人類通左個便的豹叔，你黑我哋面啦，抵你黑面架。
問題：剩番老鍊咁大支乳果糖用來做乜好？
Search